OKS stakk av med 2.plassen på Mangerfestivalen i oktober -04.  Korpset fekk berre eitt poeng mindre enn vinnaren, som er eit elitekorps, og OKS slo med dette nok ein gong andre korps som vert rangert høgare enn oss.  Det meste av suksessen var takka vere ein pangstart på hausten, med seminar i Kinsarvik saman med Gehørarbeideren Lars Andreas Skau. Han gav korpset ei god forståing av kva det vil seie å lytte til kvarandre, noko som dommarane på Mangerfestivalen spesielt poengterte etter at dei fekk høyre sluttlåta til korpset.  Det fenga, det svinga og musikantane lyste av speleglede, noko som tydelegvis sette spor hos dommarane. Og sjølvsagt skal Thomas på tuba ha honnør for solostykket sitt ”Eg gjekk meg ut i lunden grønn”.  Ikkje minst skal vi takka dirigenten vår, Gry, som er ein meister i å få fram det beste i korpset.  Men aller viktigast, alle musikantane i OKS ga alt på scena, og det fekk dei betalt for. Dette står det respekt av med tanke på at korpset samstundes held på med innøving av ”Stomp-Jazz” som skal framførast i Fjellheim i november.

Juniorkorpset og aspirantane deltok denne gongen på aspirantopplegget til Mangerfestivalen, men for juniorane var det ikkje nokon suksess. Neste gong kjem dei til å stille i konkurransen.  Aspirantane mora seg storleg, då det var første gongen dei deltok på ei stor mønstring.

Bileta er av hovudkorpset under oppvarming og på scena.